الرئيسية روايات طويلة رواية طفله حطمت كبريائى الفصل الرابع والاربعون

رواية طفله حطمت كبريائى الفصل الرابع والاربعون

تدخل وتين الغرفه وتتفاجئ حين تجد اختها تسال عن ادم
رؤى: ادم مشى
وتين : ادم!!؟
رؤى: هو انتو دخل عليكم انى رجعت زى الأول تانى
تنظر كلآ منهم للاخرى
نور: بمعنى
رؤى: انا فعلا تعبت بس مثلت انى رجعتلى الصدمه تانى عشان يرحمنى
ملك: حرام عليكى ادم جاب اخره ف اليومين اللى فاتوا
وتين: ماهى برضوا شافت المر
رؤى: بس توعدونى ان ده يفضل سر بينا حتى ماما وطنط سهير ميعرفوش حاجه
ملك ونور ف ان واحد: عيب عليكى
ليضحكوا جميعا
نور: طب انتى مين قالك ان ادم مظلوم
رؤى: انا عرفت كل حاجه وانا هنا حمزه بيزورنى كل يوم وقالى كل حاجه امبارح قبل ما يروح
ملك: عشان كده قلبك حن انتى ووتين
رؤى: ماهو جوزى برضوا
يدخل مراد وابتسم حين رأى ملك ف غرفه وتين
مراد: ازيك دلوقتى يا رؤى
رؤى بابتسامه: الحمد لله تمام
مراد: هاتى ايدك اقسلك الضغط
مراد ونظره معلق ع ملك: ضغطك كويس انهارده م الواضح ان البنات جم ظبطولك ضغطك
ويلاحظ الجميع ملك التى احمرت وجنتاها والخجل اصبح حالها
وتين: الحمد لله هى ممكن تخرج امتى
مراد: دلوقتى لو تحبى
رؤى: لا انا عايزه اقعد هنا يومين
نور: انتى فاكراه فندق يلا نروح ولا انتى حبيتى قاعده المستشفيات
وتين: مالها قاعده المستشفيات ماهى حلوه اهى ولا ايه يالوكه
تنكزها ملك بخفه
يخرج مراد وهم يتبادلان النظرات


يجلس مراد ف مكتبه ويتذكر
فلاش باك
مراد : احكيلى ليه0مثلتى انك رجعتلك الصدمه
رؤى: عشان مكرهوش
مراد: يعنى انتى لسه بتحبيه
رؤى: بموت فيه
مراد: طب عملتى كده ليه برضوا عايز افهم
رؤى: عشان الحب
مراد : بمعنى
رؤى: انا هفهمك
رؤى: الحب بمعنى
اما تحب حد ويخطفك ويخطف معاه قلبك
مش بس بتبقى عايز تدى الانسان دا قلبك بس انت بتديله مشاعرك وحبك
بتديله روحك وانفاسك ووقتها بيصعب عليك اوى لو الشخص دا اذاك او زعلك او خانك او كسر خاطرك
بتسود الدنيا كلها ف عينك بتتحول لكائن غريب
وبتسال نفسك وقتها ليه عمل فيا كدا؟؟
وانا كل مشاعرى وحبى ملك ايده….
وتبتدى تأنب نفسك ع انك حبيته واديته من وقتك ومشاعرك وحبك
انت مش غلطان انك حبيت بس انت اندلقت بسرعه ودا اكبر غلط
الحب لازم يكون بالقطاره..
بالقطاره ف بدايته واحده واحده
اتأكد الاول هل الشخص دا يستاهل حبى؟؟
هل الشخص دا جدير بقلبى؟؟
هل الشخص دا يستاهل انى اديله من مشاعرى لحد ما اغرقه؟؟
وهناك بقى هيكون الجواب عندك انت فقط مش اى حد تانى
متستهونش بالحب
متستهونش بمشاعرك
عزز قلبك وحافظ عليه
عشان انت مش قد وجع القلب ولا حرقته
انت مش قد قهر الحب
زى ما ف ناس الحب بيخليها عايشه
زى ما ف ناس بتموت بسبب الحب
قلبك دا حاجه غاليه اوى متستهونش بيه ومش اى حد يسكنه
اختار لقلبك حبيب يستاهل مملكه قلبك
ووقتها بس انت بنفسك اللى هتحط التاج
عارف ايه هو التاج؟؟؟
التاج دا هو الانسان اللى هيتربع ع عرش قلبك وهيكون هو الملك لان محدش يستاهل اللقب دا غير اللى هيكون جدير باللقب ده
#الحباولا_شئ
مراد : ياه دا انتى شايلاله ف قلبك حب كبير
رؤى: بس هو يحس
يجلس مراد ف مكتبه : هو ف حب كدا يخربيت دا احساس ويتذكر كلام ادم
فلاش باك
مراد: احكيلى يا ادم ليه عملت كده ف مراتك
ادم: عشان بحبها
مراد: واللى يحب مراته يضربها لحد ما كانت هتموت منه
ادم: غيرت عليها اوى
مراد: طب حسيت بايه وانت بتضربها
ادم: احساس الخيانه دا زباله اوى
مراد: ازاي يا ادم
ادم: الخيانه ابشع كلمه ممكن تسمعها وابشع احساس ممكن حد يحسه ف الدنيا والخيانه هنا مش بس بتقتصر ع الراجل بس لا
الخيانه هنا للست وللراجل زى ما ف راجل خاين ف ست خاينه زى ما ف راجل خان حبيبته او مراته او خطيبته
ف كمان ست او بنت خانت حبيبها او جوزها او خطيبها
بس السؤال هنا بقى ليه؟؟؟
ليه حد استأمنك ع قلبه وحبه ومشاعره وتخونه؟؟
ليه حد وهب ليك حياته واختارك من بين كل البشر تطعنوه ف قلبه؟؟
انت عارف يعنى ايه خيانه؟؟
انت عارف يعنى ايه كيان ينهار؟
مانت بالنسبه للطرف التانى دا كيان
عارف يعنى ايه كيان؟؟
يعنى شخص حبك انت اخلص ليك انت
عمل كل حاجه حلوه ف الدنيا غشانك انت
دا ف ناس الحب بيغيرها 180 درجه انت عارف يعنى ايه حد يتغير عشانك
دا مش بس بيتغير دا بيتحول لكائن تانى الناس متعرفوش
انت عارف ان ف ناس اما بتحب بجد من قلبها ممكن تمشى بالريموت
اه والله انت بس اللى بتتحكم فيه
شمال … شمال
يمين … يمين
فاهم يعنى ايه حد انت بتبرمجه ع هواك
شوفت حبك عمل ف ايه؟؟
لك ان تتخيل بقى بعد كل دااااا….
انت تخونه وتوجعه وتكسر قلبه وتجرحه
اصعب جرح ف الدنيا هو جرح ووجع الخيانه
اكبر واوسخ احساس ممكن حد يعيشه
الكلام للست قبل الراجل لو مش قد الحب متحبش
متوجعش متستقواش القلب ع حبيبك
لو حسيت مجرد احساس ان حبك قل ابعد فارق
بس اوعى تخون حد استأمنك ع قلبه اوعى
مراد : انتو حكايتكم حكايه بجد يابختكم ببعض


مروه: ازاى عايزنى اساعدك ف حاجه زى كده
عمر: هديكى اللى انتى عايزاه
مروه:بس وتين صاحبتى
عمر: 10الف كويس
مروه:بقولك صاحبتى
عمر: 15 الف ومش هزود جنيه
مروه:حلو برضو 15 وهى كده كده مش طيقانى
عمر: نتكلم ف المهم
مروه: قول
عمر: عايزك تجيبى حمره الشقه
مروه: شقه مين
عمر: شقتك طبعا
مروه: لا طبعا انت اتجننت انا كده بأذى نفسى مش بأذى وتين
عمر: متخافيش مش هيعمل فيكى حاجه هو هيبقى متخدر
مروه: وايه لزمتها اجيبه اصلا
عمر: هناخدله كام صوره حلوين
مروه: طب ما تجيبو شقتك
عمر: لا ما احنا هنتصل بوتين تيجى تاخده وهو كده
مروه: حلوه الفكره دى
عمر: ها معايا
مروه: معاك ياريس


محمود: متزعليش منى يابنتى
لم ترد عليه
محمود: انتى مبترديش عليا ليه ياملك ده انا ابوكى
ملك بانفعال: ابويا!!؟
ابويا اللى باعنا وانا عندى 10سنين وسافر وحتى مفكرش يسال عليا
ابويا اللى باع ابن اخوه لأوسخ واحد ف البلد ومهمهوش حاجه مفكرتش مين ربانى مفكرتش مين كان بيصرف عليا مفكرتش مين علمنى وخلانى بنى ادمه كويسه انا اقولك اللى عمل ده كله
ادم ولو كان سابنى امى تربينى كان هيبقى حالى من حال المحروسه بنتك الكبيره حرام عليك انت بتعمل كده ليه عشان الفلوس تولع الفلوس انا مش عايزه حاجه ومش عايزاكم ف حياتى
انا بنت ادم وبس وتركته ورحلت
تذهب ملك لادم: انا عايزاك ف موضوع يا ادم
ادم: قولى ياحبيبتى
ملك: انا عايزه انزل معاك الشركه
ادم: وانا قصرت معاكى ف حاجه
ملك: لا ابدا والله بس انا حابه انزل شغل
ادم: حاضر بس مينفعش الطريقه اللى كلمتى بيها ابوكى
ملك: انت سمعتنى
ادم: كنت عند نور ف اوضتها وسمعتك وانا خارج بالصدفه
ملك: يا ادم هو مش فاهم هو عمل ايه هو محسسنى انه ملاك
ادم: برضوا يالوكه مينفعش
ملك: انا اسفه
ادم: يلا البسى وخلى نور وماما تلبس عشان نروح لرؤى
ملك: انت هتيجى معانا؟
ادم: اه دكتور مراد سامحلى بالزياره


وتين :صحيخ ياليزو انت مبتقوليش بحبك ليه
حمزه: مش لازم اقولها
وتين: ازاي بقى ان شاء الله
حمزه: بحبك ممكن الحب عندى يكون افعال مش كلام وخلاص ممكن يكون خوف واهتمام وقلق مش لازم اقول كلمه بحبك بس
اكيد انتى شايفه دا ف تصرفاتى وافعالى ورد فعلى المفروض الحاجات دى تتحس وقلبى يكون مرايا بينعكس فيها حبى
التعبير عن الحب عمره ما كان بس مجرد كلمه….
والكلمه دى ممكن تتقال كتير بس من غور اى روح ولا احساس وتبقى مجرد كلمه ميته
ف نفس الوقت اللى ممكن اقولها بنظره من عينى او لمسه من ايدى او احتواء ف شده وحزن وضعف
بحبك بس مش بيهون عليا زعلك
بحبك مقدرش اشوفك حزينه
بحبك بغير عليك من الهوا لو لمسك
بحبك عايز اعمل اى حاجه عشان اشوفك فرحانه ومبسوطه
بحبك عايز اجبلك نجوم السما بين ايدك
بحبك كلمه تتقال بالقلب قبل اللسان بالعين قبل الكلام
معانيها كبيره وحواديتها كتيره بس متتقالش لاى حد يلا تتحس لاى شخص
الكلمه دى صعبه جدا يا وتين وسهله جدا الكلمه اللى غيرت العالم كله
بحبك عشان انتى البنى اللى قلبى اتعصر عشان بحس بكلمه بحبك منها
وتين: هييييييييح وايه كمان
حمزه: تصدقى بالله انا غلطان ويقذفها بالمخده بوجهها
وتين: اي ياض الغباوه دى
حمزه: يانهارك اسود غباوه وانا عمال اقول فيكى شعر
وتين:انت طلعت رومانسى اوى كنت مخبى فين كل ده ياواد
حمزه: شيلهولك ف قلبى ياتونه لحد ماتبقى مراتى وحلالى
وتين: ولسه محمضتش طب كنت حطه ف الثلاجه حبه اهو حتى يطلع فرش كده وساقع
حمزه : وربنا انا غلطان ويتركها هدخل غرفته
وتين: خط طاه حقك عليا وتقفز من مكانها وصرخت حين دخلت غرفته ورأت……….
تابعوا
توقعاتكم

Sending
User Review
0 (0 votes)

رايك يهمنا ♥

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.