الرئيسية روايات طويلة رواية اليتيمتان بقلم ولاء يحيى

رواية اليتيمتان بقلم ولاء يحيى

1f497 - رواية اليتيمتان بقلم ولاء يحيى💗1f497 - رواية اليتيمتان بقلم ولاء يحيى💗 (اليتمتان)1f497 - رواية اليتيمتان بقلم ولاء يحيى💗1f497 - رواية اليتيمتان بقلم ولاء يحيى💗 بقلم_ولاءيحيي
الحلقة (1)
في احدي ملاجىء للأيتام تعيش بنتين أميرة وندي
أميرة في الملجأ و عمرها ٥سنين…دخلت الملجأ بعد موت اهلها في حادثة عربيه وناجتها هي ..( أميرة بنت ملامحهارقيقه وجمالها هادي بتحب الضحك والهزار واللعب)
ندي في نفس عمر اميره.. جيت الملجأ قبل اميرة بسنتين كانت تائهة في شارع من شوارع القاهر كان عمرها تلات سنين… لما مقدروش يتوصلو لأهلها حولها للملجأ (ندي جميله جدا عينيها وسعه وشعرها بني طويل )
اميرة اول ما وصلت الملجأ ربنا رزقها بمدرسه جديدة كانت لسه متعينه اسمها حكمت… قلبها طيب بتحب كل الأطفال وحبها لأميرة وندا كان خاص…. اميره لأنها كانت أول طفله تيجي الملجأ بعد ما اشتغلت…. وكانت بتعيط ومسكتتش غير في حضن حكمت …وندى حكمت اتعلقت بيها.. بعد تعرضت لحادث في الملجأ… كانت سبب فيها مديره الملجأ واللي حادثة دي اتسببت لندا بحرق وتشويه جسمها من رقبتها لكتفها… والمديره رفضت انها تعالج… خوف من أن أمرها يتكشف.. ويتعرف انها كانت السبب… بس فحكمت ثارت عليها… وقدمت فيها شكوى… واتحقق معها وأترفدت ومسكو حكمت الملجأ بعدها…. حكمت حاولت كتير تعالج ندا بس التأخير في علاج الحرق ساب اثر ظاهر علي جسمها وكانت…. محتاجه مبلغ كبير لعمل عمليه تجميل… حكمت مقدرتش انها تجمعوا… ففضل إثر الحرق موجود… فكان شكل ندا مخيف للأطفال… فكانو بيبعدو عنها… ودا اثر عليها نسينا… وبقيت منطويه ودايما قعده لوحدها… بس اميره قربت منها وبقيت تعقد وتلعب معها…. اميره الوحيده من الاطفال اللى مكنتش بتخاف من شكل جسم ندى…. فبقيت اميره صديقتها الوحيدة ….هما الاتنين قربو من بعض ومكنوش بيفترقو…. رغم عكس طبعهم ف اميره بتحب تجري وتلعب وتختلط بالناس…. لكن ندي كانت منطقيه بسبب نظرات الاطفال والمشرفين في الملجأ ل جسمها ودا خلها دايما منعزله ومبتقربش من حد…. غير اميرة وحكمت اللي قدرت تعوضهم عن بعض حنان الام
حكمت حاولت تعوضهم عن اليتم وتكون ليهم ام و لما شافت تميزهم وتفوقهم في الدراسه…. قدرت انها تساعدهم… ولقيت اسرة تكفل تعليمهم… وكانت دايما بتساعدهم في دروسهم….. حكمت كانت دايما بتحاول تخلي ندا تنسي تشوها وتخرج من عزلتها بس ندي كانت بترفض واختارت انها تفضل بعيد عن الناس و لما كبرت بقيت دائما بتخبي جسمها بلبس الهدوم اللي برقبه عاليا وطرحه علي راسها في الصيف والشتاء…. ورغم كده كانت دايما حاسه ان الناس شايفين تشويه جسمها من ورا هدومها وخايفين منها…فكنت بتبعد… وبقيت حياتها اميره وحكمت والرسم اللي بتحبه
ندا كانت دايما ترسم نفسها… مشوهة… وأميره وحكمت كانوا بيزعلو لما يشوفه رسمتها…. فاميرة صمم من جواها انها تدرس وتتفوق وتدخل كلية طب عشان تعالج ندي
#بقلم_ولاءيحيي
أميرة تعقد علي السرير: انا مش مصدقه أن احنا خلصنا الثانويه وهندخل الجامعه(وترفع ايدها وتبص لسما) يارب اجيب مجموع كبير عشان ادخل طب
ندي وهي بتعدل الهدوم في الدولاب: طب مره واحده يابنتي احلامي علي قدك
أميرة بضيق: هو انتي دايما كده تحبطيني وبعدين انا متفوقة وهجيب مجموعه كبير ليه مدخلش طب
ندي تبتسم : انا مش بحبطك انا بس مش عاوزاكي تحلمي حلم كبير وتزعلي لو متحققش
اميره بحزن : وهو ليه مايتحققش
ندي تتنهد وتعقد جمبها : يا اميرة احنا بقي عندنا ١٨ سنه
أميرة بستغراب : وايه يعني
ندي تتنهد بضيق: يابنتي ركزي احنا كده هنسيب الملجأ والكفالة هتنقطع عنا احنا خلاص وصلنا لسن القانوني
أميرة بخوف : ينهار هنسيب الملجأ ونروح فين
ندي بضيق : ما هو دا ال انا بفكر فيه هنروح فين وازاي هنقدر نعيش ونصرف لحد ما تخلصي دراستك
أميرة بدموع مكتومه : دراسة ايه بقي ماشكله حلم زي ما قولتي وهنكتفي بالثانويه العامه ونشتغل بيها
ندي تمسك ايدها وتبتسم: لا يا أميرة انتي هتكملي دراستك وربنا يقدرنا وتحققى حلمك
أميرة بدموع: ازاي يا ندي وانتي اهو بتقولي ان احنا هنخرج من هنا وهنبقي لوحدنا… وهنبقي عاوزين نسكن ونعيش هنجيب كل دا منين… احنا لازم نشتغل و نعتمد علي نفسنا(وتكمل بحزن) احنا ملناش اهل يقفو جمبنا ولو هنكمل دراسه يبقي ندخل اي معهد سنتين وخلاص
ندي تحتضنها : لا يا أميرة انتي هتدخلى طب زي ما انتي بتحلمي ( وتبصلها وتمسح دموعها )انا معاكي ومش هسيبك لحد ما تبقي دكتورة قد الدنيا
أميرة بدموع بتدريها وتبتسم بحزن : ازاي بس يا ندي انتي في ايدك ايه تعمليه
ندي ببتسامة : في ايدي اني اشتغل واقف جمبك لحد ما تتخرجي
أميرة تبتسم: تشتغلي…. وشغلك دا بقي هيصرف علي دراستك ودراستي وكمان دراست طب… عرفتي مين فينا اللي بتحلمي دلوقتي
ندي ببتسامه : انا هشتغل وبشغلي ان شاء الله نقدر نصرف علي دراستك انتي …لكن انا مش هكمل انا الحمد الله اخدت الثانويه العامة كفايه
أميرة بضيق : هو ايه الكفايه…لا طبعا لو حد فينا هيكمل دراسته هيبقي انتي مش انا انتي لازم تدخلي كليه فنون تطبيقيه زي ما بتحلمي
ندي تتنهد : لاااا انا مش هكمل …انتي كملي
أميرة بضيق:لا طبعا …بصي انا وانتي نكمل احنا ناخد اي معهد سنتين وخلاص …..واهو نشتغل وندرس ويبقي معنا أي شهادة عشان نشتغل في مكان افضل
البنات كانو بيتكلمو وماخدوش بالهم من حكمت اللى كانت واقفه تسمعهم
حكمت ببتسامه تدخل : انتم الاتنين هتكملو دراستكم وهتدخلو الجامعة ال عاوزينها (البنات بصو وراهم شافو حكمت فقامو وقفو وهي قربت منهم وبصت الأميرة) انتي هتدخلي طب زي ما بتحلمي (وتبص لندي) وانتي هتدرسي فنون تطبيقيه انتي فنانه وتصميماتك جميلة
ندى بحزن : منين بس يا ابلة ما حضرتك عارفة أن احناملناش حد و لازم نسيب الملجأ ونعتمد علي نفسنا هنجيب منين سكن واكل وشرب ودرسه لينا احنا الاتنين انا بقول كفايه أميرة تدرس هي متفوقة حرام مستقبلها يضيع
اميرة بضيق تبصلها: دا علي أساس أن انتي فشله ما انتي كمان متفوقة ولو واحده فينا لازم تدرس يبقي انتي
حكمت تبصلهم هم الاتنين: انتم الاتنين هتدرسو في الكليات اللى عاوزنها
الاتنين سوا: ازاي
حكمت ببتسامه :انتم عارفين انكم كانتو لازم تسيبو الملجأ من شهرين فاتو وانا أجلتها لما تخلصو امتحانات ولازم تخروج النهارده
اميرة بحزن وخوف : يعني خلاص هنمشي طب يصبرو علينا لما نرتب امورنا ونعتمد علي نفسنا ونشوف هنسكن فين ونعيش ازي
حكمت تحط ايدها علي كتفهم وتبتسم :هتعيشو فين فانتم هتعيشو معايا في بيتي هتعيشو ازاي ف ال ربنا هيرزقنا بيه هنعيش منه ومرتبي علي شوية الفلوس اللى محوشاهم هيعيشونا وانتم تكملو درستكم
اميرة وندي يبصو لبعض ويرجعه يبصو لحكمت
ندي : وحضرتك ذنبك ايه يابله احنا مش عاوزين نسبب مشاكل لحضرتك مع اهلك هم ااكيد مش هيقبلو بنات غريبه تعيش معاهم
حكمت ببتسامة:انا عايشه مع جدتي وهي ست كبيره وطيبه هتحبكم وهتعتبركم احفادها انا قولت ليها وهي مستنايكم في البيت (وتضمهم ليها بحنان)انا جيت الملجأ هنا وانتم صغيرين حسيتكم بناتي و اتعلقت بيكم اكتر من اي حد في الملج
(وتبصلهم وتبتسم)انتم بناتي ال مخلفتوهمش
أميرة ببتسامه: وحضرتك يا ابله كنتي امنا و احن حد علينا وعوضتينا عن حنان اهلينا ال اتحرمنا منه
ندي تضمها: احنا مش عارفين من غيرك يا ابله كان مصيرنا هيكون ايه….. حضرتك ربنا بعتك لينا
حكمت بدموع مكتومه: وبعدين معكم بقي انتم هتخلوني اعيط ليه (وتبصلهم وترسم الجديه علي وشها) اتفضلو جهزو هدومكم وحاجاتكم وانا هروح أخلص ورق خروجكم من هنا عشان نروح سوا علي بيتكم الجديد
أميرة وندي بفرحه: حاضر
وتخرج حكمت وندي وأميرة يجهزو نفسهم وبعد ساعة كانو خارجين مع حكمت من باب الملجأ واخده عربية وصلتهم لبيت قديم من خمس ادوار في حارة من الحارات الشعبيه وطلعو مع حكمت لشقتها في الدور التالت
حكمت وهي بتفتح الباب: تعالوا يا بنات ادخلوا ( وتقفل الباب وتنادي) يا تيته احنا جينا
تخرج ست كبيره من المطبخ وشها كان كله طيبه وحنان بصت للبنات بعين متفحصه وندي وأميرة وقفين يبصو عليها وخايفين وحكمت بتبصلهم وعلي وشها ابتسامه
فاطمة ببتسامه:انتم هتفضلو وقفين كده تعالي يا بت انتي وهي بوسو ايد جدتكم
أميرة وندي يقربو منها بكسوف وهي تبصلهم ببتسامة انا جدتكم فاطمة من النهاردة تقولو يا تيتة عرفوني اسمايكم يلا
أميرة تبتسم وتقرب وتبوس ايدهم: انا أميرة
فاطمة : انتي اللى عاوزه تدخلي طب وتبقي دكتورة
أميرة ببتسامة : ايو يا تيتة
فاطمة تحط ايدها علي وشها بحنان: ربنا يكرمك يا حبيبتي
وتبص لندي ال وقفه مكسوفه وبصه للأرض وعمله تلف في طرحتها وتشد في رقبت التشيرت حكمت بصت ليها بحزن وفاطمة قربت منها وضمتها لحضنها بحنان
ندى اتفاجأت بس حست بالأمان في حضنها فبتسمت وعنيها مليانه دموع
فاطمة ببتسامة : وانتي اكيد ندى نورتي بيتك يا حبيبتي
ندي ترفع ايدها وتبوسها : منور بحضرتك يا تيته
حكمت تقرب وتحط ايدها علي كتف البنات : يلا يا بنات ادخلوا الاوضه اللى هناك دي ….هي دي اوضتكم حطو حاجتكم فيها وغيرو هدومكم ووتعالو عشان نجهز الغدا سوا
البنات ببتسامة : حاضر
ودخلوا البنات اوضتهم وحكمت وفاطمة بيبصو عليهم
فاطمة بحزن : شكلهم طيبين اوي وغلابه ( وتبص لحكمت بحنان) ربنا يجعله في ميزان حسناتك يا حكمت ويجزيكي بكل خير عن طيب قلبك
حكمت تقرب وتبوسها: مافيش اطيب من قلبك انتي يا بطوط
فاطمه تبتسم وتحط ايدها علي وشها: يلا يا حبيبتي ادخولي انتي كمان غيرى هدومك وتعالي ساعديني
حكمت ببتسامة: حاضر يا تيته
ودخلت فاطمة المطبخ وراحت حكمت علي اوضتها فاطمة وهي وافه في المطبخ سمعت من الشباك الجيران ال سكنين في البيت وهم بيتكلمو علي السلم
ست ١: هم مين البنات ال جم مع حكمت دول
ست ٢بضيق: سالتها وهي طالعه ….قالت بنات من الملجأ
ست ٣بقرف: ملجأ ودول جيبهم معاها هنا ليه وايه الشنط ال كانوا شيلنها دي ( وتخبط علي صدره) يالهوي مصيبه ليكون هيعشو معاهم هنا وسطينا
ست ١ بغضب: يعيشو وسطينا دا انا افضحهم بقي جيبه بنات حرام يعيشو وسط بناتنا وعيالنا
ست ٢ : اه ياختي جيبهم يعيشو معاها ودخله بيهم ولا هممها بس والله مانا ساكته …..هي حصلت تجيب عيال الشوارع يسكنو في بيتنا
الست ٣: دا لا يمكن يحصل ابدا اناهكلم المعلم صابر يجي يشوف ليها حل… يالهوي بنات لا نعرف قرعت اهلهم منين يعيشو وسطنا هو احنا نقصين بلاوي
وهما واقفين بيتكلو دخل الشيخ صالح البيت وكان طالع لشقته
الست ١: اهو الشيخ صالح جيه وهو ميردهوش الحال المايل وميقبلش بالغلط احنا نقوله وهو يتصرف معهم
الشيخ صالح بستغراب: خير ان شاء الله في ايه يام نبيل
الست٣: يرضيك يا شيخ صالح اللى بتعملو حكمت
الشيخ صالح بهدوء : خير مالها الاستاذه حكمت عملت ايه
الست١: جيبه معها بنتين من الملجأ وطلعت بيهم شقتها وكمان جيبهم عشان يعيشو معاها هي والست فاطمة يرضيك كده يا شيخنا يرضيك تدخل بيتنا بنات منعرفش هم ولاد حلال ولا جم من الحرام ولانعرف اصل اهلهم منين يسكنو معنا ووسط بناتنا
صالح بضيق يبص للأرض: أستغفر الله العظيم (ويرفع رأسه ويبصلهم بغضب) اتقوا الله حرام عليكم هتقبلو ربنا إزاي وانتم بتكلمو في حق اليتيم دا الرسول صلى اللّه عليه وسلم قال:(إن اليتيم إذا بكى اهتز لبكائه عرش الرحمن، فيقول الله تعالى لملائكته: يا ملائكتي! من ذا الذي أبكى هذا اليتيم الذي غيبت أباه في التراب، فتقول الملائكة: ربنا أنت أعلم. فيقول الله تعالى لملائكته: يا ملائكتي اشهدوا أن من أسكته وأرضاه أنا أرضيه يوم القيامة)
الست 2بكسوف: الرسول كان يقصد اللى اهلهم ماتو لكن دول اهلهم رموهم وتربو في الملجأ
صالح بضيق : وانتم عرفتم منين تعرفو ايه عنهم عشان تظلميهم وتتكلمي في حقهم ما يمكن اهلهم ماتو وملهومش حد ويمكن تاهو من اهلهم ومعرفوش يوصلو ليهم ….وحتي لو اهلهم غلطوا في حقهم وحق نفسهم وسبيهم …..هم ذنبهم ايه ( ويبصلهم اوي بضيق ) وبعدين مين قال ان اليتيم بس هواللى أهلو ماتو….. اليتيم هو اللى اتحرم من العطف والحب والحنان وهو طفل قبل ما يبلغ اتقو الله وبطلو تكلمو بالبطل عنهم وتظلموهم ….سيبهم يعيشو وسطينا يمكن ربنا يكرمكم ويوسع رزقكم عشانهم اتعلمو من الاستاذة حكمت واعطفو عليهم وعملوهم بالحسنة……العطف علي اليتيم علاج لقسوة القلب ….(ويبصلهم اوي) ربنا يسامحكم ويسامحنا ويجعل وجودهم وسطنا شفيع لينا ويجعلنا جيران الرسول في الجنه
ومشي وسابهم وهما وقفين يبصو لبعض بكسوف
فاطمة كانت واقفة بتسمع ولما سمعت الشيخ صالح اتنهدت وابتسمت وبتلف وبتبص وراها شافت حكمت واقفه وعينيها كلهم دموع
حكمت بحزن : الناس مش هتتغير يا تيتة هيفضلو يبصو لغيرهم علي أنهم أقل منهم ذنبهم ايه البنات دول….كانو هيحسو بايه لو وقفين هنا و سمعو كلامهم
فاطمة ببتسامة: لو فضلنا نبص ونسمع لناس وكلامه مش هنعرف نعيش يا بنتي ….لازم تعليمهم ميسمعوش لناس …و علميهم ميخافوش واللي يتكسفو من ظروفهم ….. وطول ما هم بيتقو ربنا…ميخافوش غير من الخلقهم….خليهم يثقو في نفسهم ويتعلمو ويتفوقه ويبقي احسن من اي حد….. بكرا لما يكبرو وينجحو الناس هتجري ورهم ومش هيفكرو هم مين واهلهم فين…. ومن النهاردة البنات دول مسؤوليتنا البنات دول بقي اخوتك الصغيرين واحفادى
حكمت تضحك: اخواتي ايه بس يا تيتة دا انا لو اتجوزت كنت خلفت قدهم
فاطمة بتريقه: ليه كنت هتجوزي في ال لفة ياختي ( وتبصلها ببضيق) بطلي تكبري نفسك انتي لسه صغيره…. ويلا روحي شوفي البنات وبطلي رغي وهاتيهم عشان نحط الاكل انا خلصتو خلاص
حكمت تقرب منها وتبوسها: تسلم ايدك يا ست الكل
وتخرج حكمت وتخبط علي البنات و تفتح الباب وتدخل تلقيهم قعدين علي السرير واول ما شفوها قامو وقفه
حكمت بستغراب: ايه يا بنات قعدين ليه كده….. مخرجتوش ليه
أميرة بكسوف: ما احنا مش عارفين نعمل ايه
حكمت ببتسامة: تخرجوا تشغلو التلفزيون اوتدخلو المطبخ تعمله اي حاجه دا بيتكم دلوقتي واتحركو فيه برحتكم
ندي بكسوف: مش عاوزين نضايقكم يا ابلة
حكمت بزعل: ايه الكلام دا يا ندى احنا اتفقنا علي ايه البيت دا بيتكم وانا امكم
فاطمة وهي علي باب الاوضه: قولت اختهم الكبيرة ويلا يا بت انتي وهي….. بلاش دلع تعالو خرجوا الاكل
حكمت والبنات يضحكو ويخرجو ويروح لفاطمة ويخرجو معهم الاكل ويعقده كلهم علي ترابيزة صغيرة ويبدأ يأكلو وهم بيأكلو
فاطمة تبص لندي بستغراب: انتي ليه لبسه الطرحه وبلوزه برقبه كده الجو حار يا حبيبتي ومافيش معنا في البيت رجاله
ندي توقف أكل وعينها تتملي دموع وأميرة تبصلها بحزن وحكمت تبص لجدتها
حكمت : يا تيته
فاطمة تبصلها : اسكتي انتي انا بكلم ندي ( وتقوم تقف وتقرب من ندي ال بتبص ليها بخوف….وعينها متعلقه بعينها وأميرة وحكمت بيبصه عليهم بقلق…. فاطمة رفعت ايدها تشيل الطرحة ف ندي مسكت الطرحة بايدها الاتنين وبصت لفاطمة بدموع….. ف فاطمة ابتسمت ليها بحنان وطمنتها بعينها فندي سابت الطرحة وبصت للأرض ودموعها نزلت فاطمة لما شالت الطرحه وشافت الحرق غمضت عينيها بحزن ولما شافت دموع ندا نزلت علي مكان الحرق وباستها بحنيه …ومسكت شعرها الطويل فردته
فاطمه بحنان: بسم الله ما شاء الله زي القمر يا حبيبتي …(وترفع وشها بايدها ) انتي في بيتك مع اخواتك وجدتك مافيش حاجة تدريها وال تكسفي منها وانتي وسطينا مش عاوزه اشوفك تاني بطرحه في البيت وعاوزكي تلبسي برحتك وفردي شعرك الطويل دا وانسي جرحك دا انتي ماشاء الله زي القمر
ندي بصتلها ببتسامة ومسحت دموعها
فاطمة وهي بترجع تعقد مكانها : بس انا عاوزكي تتخاني شوية طباقك دا يخلص كله وانتي يا بت يا اميرة كلي كويس
اميرة بفرحه وابتسامه وهي بتبص لندي : هاكل الاكل كله يا تيته
فاطمة :اه كلي كله عاوزكم بطة كده ومدملجين زي ستكم فاطمة ( وتبص لحكمت ) مطلعش للبت الخايبه حكمت ال مش باين لجسمها صدر من ورك
حكمت تشهق وهي بتبص لجسمها والبنات يضحكو بصوت عالي ويعقده يأكلو ويتكلمو ويهزرو
وبليل والبنات في اوضتهم
أميرة تنام علي السرير بفرحة: اول مره احس اني مرتاحة وليا بيت واهل
ندي تنام جمبها ببتسامه: انا كمان مرتاحة…. اول مرة اعرف يعني ايه دافي البيت والاهل…. واول مره اقعد وانا مش مستخبيه في الطرحه عشان محدش يشوفني ويخاف أو يقرف مني
أميرة تبصلها بحزن: ياندي انتي ال كنتي ظلمه نفسك انتي شكلك زي القمر و الجرح اه موجود بس مش مغير في شكلك انتي زي القمر ياندي
ندي ببتسامة حزينة:قمر مشوهة ( وتبصلها ببتسامة)سيبك انتي من الكلام ده …خلينا نفكر في المهم احنا مش عاوزين نتقل علي ابلة حكمت عاوزين ندور علي شغل نشتغله جمب الدراسة
أميرة بحيرة: هنشتغل ايه
ندي : مش عارفه اهو ندور يا أميرة
وهم بيتكلمو تدخل حكمت: انتم نمتو يا بنات
ندي وهي بتعقد:لا يا ابلة لسه صاحين اتفضلي
حكمت تدخل وتنام في النص بينهم : هااا قولولي بتكلمو في ايه
أميرة ببتسامة: كنا بنفكر ندور علي شغل
حكمت تبصلهم: شغل ايه احنا مش اتكلمنا واتفقنا أن انتم هتكملو دراستكم ومتفكروش في حاجه غيره
ندي تبصلها: يا ابلة حكمت احنا مش عاوزين نتقل علي حضرتك اكتر من كده كفايه أن حضرتك فتحلنا بيتك
حكمت تبصلها وتقرصها من ودانها :انا مش عاوزه اسمع الكلام ده منك تاني انتي فاهمه (وتضمهم ليها وينامو علي صدرها بحب)انتم بناتي والبيت دا بيتكم
أميرة تضحك: اخواتك يا ابلة متخليش تيتة تزعل
حكمت بضحك:ايوه صح اخواتي كله الا زعل تيتة
ندي ترفع راسها وتبصلها : هو انا ممكن أسألك سؤال يا أبله
حكمت ببتسامة: اسألي
ندي: هو حضرتك ليه متجوزتيش
أميرة تبصلها: صحيح يا ابلة انا من زمان وانا نفسي أسألك السؤال دا حضرتك ماشاء الله جميله وطيبه اوي والف من يتمناكي واكيد في كتير اتقدمولك
حكمت تتنهد وترجع رأسها لورا: فعلا اتقدملي كتير بس مكنتش اقدر اتجوز اي حد منهم وانا قلبي مع واحد تاني
ندي تتبتسم وتبصلها: حضرتك كنت بتحبي ياأبله
حكمت تبصله ببتسامة حزينة:انا عيشت اجمل قصه حب ممكن تعيشها بنت
أميرة باهتمام : وليه متجوزتيش حبيبك يا ابلة
حكمت عينيها تتملي دموع: دي حكايه طويلة اوي
ندي : احكيهالنا يا ابلة
أميرة: ايوة ياأبله بالله عليكي احكي لينا من الاول… امتي اتعرفتم…. وحبيتو بعض ازاي… وليه متجوزتيش حبيبك
حكمت تبتسم وتتنهد : الحكاية بدأت من وانا عندي ١٨ سنه كان يوم عيد ميلادي يومها كان أول مره اشوف كمال